Алматы облысы Белбұлақ ауылының әкімі Нұрбол Досымбаев Наурыз мерекесіне орай ұйымдастырылған сайыста салмағы 40 кило қошқарды бір минутта 50 рет көтерді деп хабарлады turkystan.kz.
Оның қошқарды көтерген кездегі бейнежазбасы Instagram-дағы Talgarnewskz парақшасында жарияланды.
Нұрбол Досымбаев Талдыбұлақ ауылында туып, өскен. Оның жерлесі 12 жастағы Досжан Қалинұр да көзге түсті. Ол Талғар ауданында өткен Наурыз мерекесінде 30 кило тартатын қошқарды 115 рет көтерді.
Досжан – 5-сынып оқушысы.