Белгілі продюсер Баян Алагөзованың қызы Айсәуле Бақытбек отбасымен бірге жалдамалы пәтерде тұратынын айтты, деп хабарлайды Экспресс К.
Айсәуле баспананы ипотекаға алған тиімсіз деп санайды. Сондықтан ол бүгінде отбасымен бірге жалдамалы пәтерде тұрып жатыр. Бұл жұлдызды жұпқа ұнайтын көрінеді. Себебі Айсәуле болашақта шет елге қоныс аударуды көздеп отыр.
«Иә, біз жалдамалы пәтерде тұрамыз. Бұл біздің таңдауымыз. Біз ипотекаға баспана алуға қарсымыз. Осылай өмір сүрген ұнайды. Қайда тұрғымыз келетінін өзіміз ғана таңдаймыз. Болашақта шет елге қоныс аударуымыз мүмкін. Өзге елде жеке үйіміз бар», — дейді Айсәуле Бақытбек.
Бұған дейін Айсәуле Бақытбек әкесінің абақтыдан шығуына қатысты пікір білдіргенін жазды. Ол біреудің ауыр тағдырынан «хайп» жасайтын адамдарды жек көретінін айтқан болатын.