30 тамыз – Қазақстан Республикасының Конституциясы күніне орай Қызылтал ауылдық округіне қарасты А.Назарбеков ауылының тұрғындарының көптен сұранған өтінішіне сәйкес, шағын футбол ойын алаңы мен street workout алаңы ауыл халқы игілігіне пайдалануға берілді.
Ауылдың қуанышын бөлісуге келген Мойынқұм ауданы әкімінің міндетін атқарушы Ержан Әмірханов өзінің құттықтау сөзінде А.Назарбеков ауылының адам саны аз орналасқан ауылдардың бірі екенін, дегенмен мұндағы жастар да бұқаралық спортпен айналысуы үшін бюджеттен қаржы қаралып , бүгін пайдалануға беріліп отырғанына қуанышын жеткізді.
Одан кейін А.Назарбеков ауылының ақсақалы Наурызбаев Балтабай ақсақал өз құттықтау сөзін айта келе елімізге тыныштық пен бейбіт өмір тілеп өз батасын берді.
Мойынқұм аудандақ мәслихат төрағасы Нұртас Саурықов А.Назарбеков ауылының спорт нұсқаушысына арнайы спорттық доптар сыйға тартып, мерекеге орай ашылып отырған алаңның алғашқы футбол ойынын бастап берді.
Алаңшаның ашылу салтанатын тамашалауға келген ауыл тұрғындары өлең шумақтарын арнап, аудандық мәдениет үйінің әншілері арнайы ән шашу тарту етті. Бұдан әрі аудандық футболдан турнир ойынымен жалғасын тапты.