Кей жерлерде тұман, көктайғақ, еліміздің оңтүстігі мен солтүстігінде желдің күшеюі күтіледі. Ақмола облысының солтүстігінде, оңтүстік-шығысында тұман, таңертең және күндіз көктайғақ, жаяу бұрқасын күтіледі, жел 15-20 м/с күшейеді,-деп хабарлайды «Jambyl-Taraz» ақпарат агенттігі aikyn.kz сайтына сілтеме жасап.
Түнде Алматы облысы Алакөл ауданында жел 15-20 м/с күшейеді.
Қостанай облысының солтүстігінде жаяу бұрқасын, солтүстігінде, оңтүстік-шығысында тұман, көктайғақ, солтүстік-шығысында желдің күшеюі 15-20 м/с күтіледі.
Солтүстік Қазақстан облысының оңтүстік-батысында жаяу бұрқасын, солтүстігінде, шығысында тұман, көктайғақ күтіледі.
Батыс Қазақстан облысының солтүстігінде, солтүстік-батысында, Атырау облысының солтүстігінде, батысында және орталығында, Павлодар облысының солтүстігінде, шығысында, Қарағанды облысының солтүстігінде, батысында, оңтүстігінде тұман, көктайғақ күтіледі.