Шымкенттік кәсіпкер Қуаныш Мықтыбаев атақты “каштан” қошқарынан қанша пайда түсетінін айтты. Оның айтуынша, ерекше тұқымды жануар өз бағасын бір жылдың ішінде ақтап, пайдаға кенелтеді екен,-деп хабарлайды «Jambyl-Taraz» ақпарат агенттігі Экспресс К.сайтына сілтеме жасап.
Кәсіпкер Қуаныш Мықтыбаевтың қымбат қошқарларының видеосын журналист Берік Сұлтан өзінің Youtube-тегі BerikTV арнасында жариялады. Онда фермердің шаруа қожалығы мен тұқымы ерекше қошқарларын көруге болады.
Экспресс К Қуаныш Мықтыбаевтың 1 қошқарды 18 миллион теңгеге сатып алғанын бұған дейін жазған болатын. Кәсіпкер көптің көкейінде жүрген сұрақтарға жауап берді.
«Каштанды 40 мың долларға алғаным рас. Қошқарды алған себебіміз — өзіміздегі мықты саулықтарға қойып, қозысын алсақ, соларды 1000-2000 доллардан сатсақ деген ой. Бұл каштан өзінің 40-50 қозысымен өзінің ақшасын шығарады. Биыл бұны «гуливердің» қойларына қоямыз 600 басқа. Ұрғашысы өзімізде қалып 300 еркекті сатқанның өзінде 150 мың доллар болып, өз-өзін ақтайды. Қозы егер «каштанға» ұқсаса, әрқайсын 1000 доллардан сатамын», — деді Қуаныш Мықтыбаев.