Жамбыл облысы әкімінің өкіміне сәйкес Ержан Еркінұлы Тәліп Жамбыл облысы әкімдігінің туризм және инвестиция басқармасының басшысы болып тағайындалды.
Ержан Еркінұлы 1989 жылы дүниеге келген. Білімі жоғары. 2014 жылы Қытай Халық Республикасындағы Хуачжун ғылым және технология университетін (Шанхай ынтымақтастық ұйымы бағдарламасының стипендиаты) «Менеджмент» мамандығы бойынша тәмамдап, 2016 жылы Ресей халықтар достығы университетінде «Құқықтану» мамандығы бойынша магистр дәрежесін алған.
Орыс, ағылшын және қытай тілдерін меңгерген.
Еңбек жолын 2014 жылы жеке секторда маман ретінде бастаған. Әр жылдары түрлі серіктестіктерде маман және сату менеджері, «Астана Опера» мемлекеттік опера және балет театрында маркетинг, халықаралық байланыстар, ұйымдастыру жұмысы және стратегиялық жоспарлау департаментінің маманы және бас маманы қызметтерін атқарған.